Embutidos Domínguez

Novo proxecto fotovoltaico chave en man de E.nova Enerxía en modalidade de Autoconsumo para a empresa Embutidos Domínguez, localizada en Vimianzo. E.nova Enerxía ocupouse da reforma integral dunha planta fotovoltaica xa construída. O cliente contaba con diversos problemas de funcionamento – fugas de auga, fallos nos inversores, falta de legalización e monitorización – . Tras a elaboración dunha auditoría, E.nova detectou e solucionou todas as deficiencias, completando a súa oferta cun servizo de mantemento, que xa está en marcha, e coa análise dunha posible ampliación da potencia, actualmente en estudo. Embutidos Domínguez é unha compañía afincada en Vimianzo que ofrece, desde a súa fundación en 1989, unha selección de produtos derivados da carne de máxima calidade. A súa oferta susténtase en tres valores fundamentais: calidade, servizo e superación.